Manipur, January 12, 2025: Assan Rifles khan para, 12,620 kg nishina tamul guti durishe koishe, etu toh Rs 88.34 lakhs nishina laga daam durishe koishe. Etu toh Mualkawi, Mizoram laga Champhai District para durishe koishe.
Yete sob durea laga saman khan toh Customs Preventive Force khan laga haat te didishe koishe, yete Champhai khan ke ahibole laga homoi te tarika khan lobole dibo nimete.
Aru agea din tebi, Assam rifles khan Police aru Tripura Froce Services khan logote mili kina operation kurishe koishe, yete taikhan para 16.2 hectares nishina mati, Ganja laga kheti bia kuri dishe koishe, Etu jaga toh Boxanagar Forest Range toh Sonamura Sub-Division laga bitor te ase koishe.
Etu operation para taikhan 16,500 cannabis Plant nishina hatai dishe koishe, Assam Rifles para aeru koishe ki, etu khan toh sob milaile Rs 70 lakh nishina laga daam ase koishe.
Press para janai dea laga hisab te, Aru agea week tebi Assam Rifles khan para 10,320kg laga Tamul guti durishe koishe, etu toh Rs 72.24 lakh laga ase koishe, etu toh Champhai district laga general jaga Zote para paishe koishe.
Add Comment