Assam Rifles, Mizoram Police, Indo-Myanmar Border osor te 39,900 detonators recover kurise

Aizawl, 16 October : Assam Rifles aru Mizoram Police ekta joint operation te 39,900 detonators recover kori loise Indo-Myanmar border pora.

October 10 din Assam Rifles alak dui operation te marijuana aru Indian currency milaikena total Rs 95.44 lakh worth laga items Champhai, Mizoram te recover kori loise aru dui jon ke arrest kori loise.

Prothom operation Gen Area Zote, Champai te rakha hoise, juntu te 7.36 kg marijuana (Rs 5.44 lakh worth) recover kori loise aru ekta 33 saal laga individual ke arrest kori loise.

Alag operation Vengsang, Champai te rakha hoise, juntu te Rs 90 lakh worth laga Indian currency recover kori loise aru ekta 38 saal laga Myanmar national, Thanpmanglian ke arrest kori loise.

Itu operations Assam Rifles aru Excise & Narcotics, Champhai team milikena specific information upor base kuri rakha hoise.

Recovered items aru arrest kuri lua individuals ke Excise & Narcotics, Champhai ke hand over kori dise agey legal proceedings nimite.