May 05, 2024 : Assam Rifles para ‘A Day With Coy Cdr’ programme, students khan nimitey organize kurishey, Northfield School laga Kohima, Nagaland tey, 04th May, 2024 tey. Itu ‘EMPOWERING YOUTH EMPOWERING NATION’ laga theme under tey, tatey pura puri 60 students khan visit kurishey, kotey toh hoiley 45 chukra aru 15 chukri khan thakishey aru charta teachers khan thakishey koi asey, Northfield School para, Kohima laga, itu programme tey attend kuri kena. Itu programme toh hoiley National anthem logotey shuru kurishey aru National Flag unfurl kuri kena, itu pichetey kisim kisim activity khan – gaas puli mati tey dhala laga, martyr Rifleman (Late) T Gokil Sing tey, SM nursery, self defence technique khan, football match, Tug of war competition khan, fun activity khan Kho Kho khan nishina aru blind hit game khan aru Demonstration khan dikhaishey life bacha boley laga skill khan, Medical Officer para. Itu students khan aru teachers khan para bhi itu Assam Rifles laga effort khan appreciate kurishey koishey. Itu programme toh hoiley raasta khuli dishey, itu bond toh majbut kuriboley nimitey, aru harmony nimitey, security forces aru local manu khan nimitey.
May 19, 2024
World's First and Only Nagamese Newspaper
Add Comment