April 20, 2025, 08:07 PM: Tai khan laga commitment toh continue khara thaki kena, harmony foster kuriboley karney, aru community bond khan majbut kuriboley, Assam Rifles para Easter Sunday celebrate kurishey. Itu Pungro Bosti laga manu khan aru bacha khan logotey, Kiphire District aru Tuensang District, Nagaland laga, 20th April, 2025 tey. Itu celebration toh hoiley ekta mon chuwa laga prathana logotey shuru hoishey, kuntu toh hoiley church laga Pastor para chulai jaishey. Kun para itu Easter Sunday laga significance opor tey kotha kurishey, akha laga, aru bhi notun hoa laga, aru compassion thaka laga theme khan emphasize kuri kena. Tai para tai laga blessing khan bhi extend kurishey tatey aha sob manu khan ke, ekta spiritual aru warm touch add kuri kena, tatey jama kuria manu khan karney. Itu prathana laga service pichetey, Assam Rifles para ekta special lunch organize kurishey, sob manu khan nimitey, itu community ke eke logotey ani kena, ekta bishi khushi aru festive laga spirit thaki kena. Itu bacha khan toh hoiley itu din tey, ekta khushi laga conversation khan tey engage thaki kena enjoy kurishey, Assam Rifles laga personnel logotey bond kuri kena. Assam Rifles toh hoiley eneka hey continue vital role play kuri kena ahi asey, bhal icha aru cultural harmony promote kuria tey, tai khan laga role reinforce kuri kena, khali Northeast laga Sentinel ekla nahoi, hoilebi itu manu khan laga majetey ekta unity aru support hisap bhi thaki kena.
Assam Rifles Para Easter Sunday Celebrate Kurishey, Local Aru Bacha Khan Logotey, Pungro Bosti Tey, Kiphire District Aru Tuensang Laga
Add Comment