February 16, 2025, 06:40 PM: Tai khan laga commitment demonstrate kuri kena, public safety karney, itu Assam Rifles para phat para jawab dishey, ekta jui laga jaga tey, itu Daily Market area tey, Tuensang Town tey, Nagaland laga. February 14, 2025 tey. Approximate para 10:30 Pm nishina ekta jui lagi jawa laga thakishey, itu bishi tight jaga thaka Daily Market area tey, 60 para bhi bishi room khan sob toh julai di kena, kuntu tey dukan khan & saman rakha room khan thakishey. Modod kuriboley laga request tey, bosti manu khan para, Assam Rifles laga troop khan para tai khan jui numaboley laga saman khan bukhi kena ahi kena aru ambulance khan bhi ahi kena, utu jaga tey, olop homoi bhitor tey punchi jaishey itu jui jula laga jani kena. Itu troop khan para civil administration laga fire tender khan logotey coordinate kuri kena kaam kurishey. 11:00 PM nishina tak tey, 180 Assam Rifles personnel khan para active para engage thakishey, itu jui ke control kuriboley, local authority khan logotey mili kena, itu jui toh arubhi dangor hoboley thaka ke rukhai di kena, kuntu para manu/ janwar laga jeevan aru property ke damage kuriboley thakishey. 15th February, 2025 laga 1:30 Pm tak itu joint firefighting operation para successful para itu jui jula laga situation ke control tey aniboley parishey.
Itu thik time para ahi diya para aru bhi ekta itu Assam Rifles laga hilaboley napara laga dedication ke underscore kurey, manu laga safety karney aru manu laga bhal nimitey.
Add Comment