Assam Rifles Para Har Ghar Tiranga Campaign Organize Kurishey, Student Khan Aru Faculty Logotey Collaborate Kuri Kena

August 16, 2024: Assam Rifles para ekta concert thaka effort tey, patriotism aru nation pride ke foster kuriboley, itu Har Ghar Tiranga & tiranga campaign logotey Selfie loa laga organize kurishey, 13^th para 15^th August, 2024 tey, itu 78^th Independence Day commemorate kuriboley. Itu campaign laga part thaki kena, flag khan toh distribute kurishey aru South Nagaland laga sob district khan tey hoist kurishey, Kohima, Wokha, Phek aru Kiphire. bhi milai kena.  Ekta stirring display tey patriotism laga, Assam Rifles para celebration kuria laga event loishey, itu charta District tey, kuntu para toh national pride aru unity highlight kurishey. Itu din toh hoiley grand Flag Hoist kuria laga ceremony para shuru hoishey, itu sob Company Operating Bases (COBs) tey, aru itu pichetey, itu Pipe Band para ekta impressive performance kurishey, itu sob DC office khan tey. Assam Rifles Public School laga bacha khan para, itu occasion tey tai khan laga mon chuwa laga rendition logotey aru bhi milai dishey, patriotic ganna khan laga, itu jaga tey khushi aru reverence logotey bhorta kuri di kena. Itu Tricolour hoist kuria laga ceremony toh hoiley alag alag School khan aru prominent jaga khan tey conduct kurishey, aru eneka thaki kena, itu pura landscape toh cover kuri kena, tricolor tey & itu freedom laga spirit spread kuri kena. Itu Assam Rifles laga Pipe Band aru Drill Contingent para Independence Day parade tey participate kurishey, itu Civil Secretariat, Kohima aru Wokha, Phek aru Kiphire laga DC office khan tey. Tai khan laga itu discipline para march kuria aru vibrant display kuria laga drill para captivate kurishey aru appreciation earn kurishey, tatey laga sob saboley/ attend kuriboley jawa manu khan laga (kun khan toh itu parade aru drill sai kena ekta asurit aru bishi mon di kena saishey). Ekta special feast organize kurishey, itu Ex- Serviceman, Veer Nari & Widow (mota kuri jawa maiki) khan nimitey, gratitude convey kurishey, tai khan laga selfless service nimitey itu nation karney. Itu Har ghar Tiranga campaign toh hoiley khali national pride laga ekta sense ekta instill kuria ekla nahoi itu participant khan laga bhitor tey, hoilebi itu para toh aru bhi Assam Rifles laga itu bond thaka support thaka toh majbut kuri diye, tai khan toh hosa para bhi, “North East laga Sentinel khan” asey koi kena, khali naam para he nahoi kaam para bhi.