Assam Rifles Para Phat Para Medical Response Diya Para, Bacha Ekta Ke Bachaboley Parishey, Chenmoho Tey

August 03, 2024: Itu Assam Rifles’ Chenmoho Post para ekdam hero nishina thik homoi tey modod kuri kena, ekta bishi critical para medical emergency tey thaka ekta bacha ke bachai loboley parishey. Itu ghatna toh hoiley, raati diri hoa laga asey, kitya bacha laga condition toh hoiley phat para bishi biya hoi jaishey, itu hoa para itu bacha laga ama baba toh ki kuribo ki nakuribo hoijaishey. Juldi para modod lagi asey koi kena huni kena, tatey laga bosti manu khan para, itu Assam Rifles khan toh eku time waste nakuri kena, modod dishey. Ekta Quick Response Team, kuntu tey ekta Nursing Assistant toh hoiley phat para dispatch kurishey, itu remote bosti tey. Tatey bosti tey punchi kena, itu nursing assistant para crucial medical intervention aru bhal diagnosis provide kurishey, itu doctor Mon Battalion para, itu nursing assistant ke assist kurishey, via video call para, kuntu kuria pichetey, astey para utu bacha toh takot pai kena uthishey utu pichetey. Itu dikhi kena/ jani kena itu bosti manu khan majetey mon aram hoa toh hoiley ekta testament asey, itu jaan bachai diya laga impact toh, itu phat para medical assistance diya para. Itu Chenmoho bosti council para tatey laga local manu logotey, aru itu bacha laga grateful ama baba loi kena tai khan laga mon chuwa laga appreacation janaishey itu Assam Rifles para thik homoi aru effective para modod kuria nimitey.