October 09, 2024, 03:10 PM : Itu Assam Rifles para 15 din laga National Integration Tour organize kurishey, 29th September 2024 para shuru kuri kena, 20 student khan aru charta (04) teacher khan nimitey, Government Higher Secondary School laga, tai khan laga itu visit laga second phase tey, Belgaum tey punchishey, 06th October, 2024 tey aru tatey visit kuri kena hoi jawa pichetey, date 08th October, 2024 tey, New Delhi nimitey ulai jaishey. Itu Belgaum Phase laga tour tey 20 enthusiast thaka student khan para ekta raw bhabana paishey courage laga aru resilience itu Indian Army soldier khan laga, tai khan itu Commando School aru Maratha Light Infantry Centre tey visit kuria homoi tey.
Itu Belgaum Phase tey toh hoiley military prowess, cultural richness, aru natural wonder khan bhi expose kurishey. Commando School tey, itu student khan para itu obstacles course training witness kurishey, zinda snake khan ke keneka handle kuriboley lagey utu khan laga technique jani paishey, aru itu logotey, renowned Commando Walk bhi aru 15 meter ucha tey para pani tey jump kuria laga bhi dikhi pai kena.
Aru itu pichetey tai khan Maratha Light Infantry Training Center tey visit kurishey, recruit khan logotey, kun khan toh hoiley itu bacha khan ke motivate kurishey, itu Armed Forces ke join kuriboley. Itu laga next din tey, itu student khan para Gokak Waterfall tey aru Hidkal Dam tey visit kurishey, water management aru dam laga importance laga exposure provide kuria laga saboley aim kuri kena, agriculture nimitey.
Add Comment