December 10, 2025, 05:31 PM: Assam Rifles para tai khan laga commitment continue rakhi kena, community development aru saaf safai initiative phaney, tai khan para Swachhta Pakhwada observe kurishey, Avangkhu village tey, Meluri District, Nagaland tey, 9th December 2025 tey. Itu event toh hoiley tatey laga local manu khan logotey bhal para coordinate kuri kena conduct kuria laga thakishey, awareness promote kuriboley karney, saaf safai, hygiene aru waste management practice khan opor tey, kuntu toh hoiley ekta aru bhi healthy aru sustainable environment karney contribute kurey.
Tatey pura puri 12 civilian khan para active para itu activity tey participate kurishey. Itu programme toh hoiley ekta awareness briefing logotey shuru hoa laga thakishey, Assam Rifles personnel para, saaf safai laga importance highlight kuri kena hudai-din laga life tey, thik thak para sanitation kuria para bimar khan keneka rukhaboley parey itu khan samjhaishey aru sob citizen khan laga collective responsibility opor tey janaishey.
Add Comment