Assam Rifles Training Centre aro School deh 2197 recruits keh attest kuri shae

October 11, 2024: Assam Rifles Training Centre aro School, Shokhuvi deh spirited recruits laka pura military fanfare lokot deh ekta ceremonial attestation parade conduct kuri shae, 10 October 2024 din deh. Parade tho recruit training laka 44 hapta keh mark kuri shae. Etu training time deh jawan aro dynamic recruits kan keh physically fit aro mentally robust banai di shae. Attestation parade tho unique taki shae, kile koile khali 270 mota kan heh nata ki nah 30 maike recruits kan b taki shae. Etu milai nah itia 1897 recruits kan Force keh join kuri bole ase trained soldiers taki nah.

Parade tho Maj Rishabh Rana para lead kuri shae. Tai tho Assam Rifles training Centre and School deh training officer taki bole posted hui nah ase. Attestation parade tho Brigadier Raman Sharma, Sena Medal Commandant Assam Rifles Training Centre and School patra review kuri shae, Colonel Rajiv Chaudhary, Bar to Sena Medal, Deputy Commandent Assam Rifles training Centre and School aro Indian Army laka alak senior officers laka agase deh. Attestation tho ekta ceremony ase kuteh recruits kan National flag laka agae deh allegiance laka oath lui. 

Recruits kan keh address kuri nah, Reviewing officer kan para Assam Rifles laka rich history aro legacy keh highlight kuri shae, Assam Rifles tho country laka sobse purana paramilitary force ase kui nah. Tai para Assam Rifles tho Border Security, Counter Insurgency aor Northeast India deh law aro order maintain kuri bole  responsible ase kui shae. 

Last deh tai para, recruits kan keh congratulate kuri shae, taikan training tho kotom kui dia karne aro taikan keh success aro happiness wish kuri shae, taikan laka sob future endeavors deh. Nutun pass hua Rifleman kan itia taikan laka respective units keh join kuri bole ase, sob frontline duties deh aro country keh serve kuri taki bo. Parada piche deh, Reviewing Officer nijor jai nah award winners keh mili shae. Overall Best Recruit aro Firing Recruit deh best Lalbiakzuala, Best Physical Standards Recruit Mansi Sharma aro Best Drill Recruit M Chungneireng Kom.