Guwahati, January 11 : Congress laga ‘Bharat Jodo Nyay Yatra’ hobole ageyte Assam laga sarkar para Congress party laga leader khan ke rajya laga duita district laga public ground te pura rati thakibole laga permission diyanai.
Congress party laga opposition leader, CDebabrata Saikia para etu jankari tu ekta press conference chuli thaka homoitey disey. Tai para koisey ki Congress party tu etya taikhan laga container gari khan tu private farmland khan te park kuribole bhabna kuri asey, kotey senior congress leader aro Rahul Gandhi bi ek rati buhibole asey.
Saikia para janaisey ki suru te taikhan para ek rati buhibole nimitey Dhemaji district laga Gogamukh te thaka ekta school ground cholabole laga permission paisiley, hoilebi picheyte etu permission diya tu cancel kuridisey.
Bharat Jodo Nyay Yatra tu January 14 te Manipur para suru hobole asey. Aro 66 din bhitor te 6,713 kilometer laga duri cover kuribole aim kuri asey.
Add Comment