Guwahati, November 27 : Assam laga minister Pijush Hazarika para announce kurisey ki rajya laga sarkar para sob Self Help Groups (SHGs) khan ke Rs 1.10 lakh laga modod barabo.
Minister Pijush Hazarika para nutun form kora No. 48 Tongla assembly constituency laga Kalingduar jaga te ekta dangor rally te kotha kora homoitey dawa kurisey ki BTR te BJP laga organization tu poila para bi aro bisi tagra hoisey aro BJP nimitey manu khan laga asirvad barijaisey.
Etu minister para koisey ki Monday din te huwa etu meeting te 7,000 para 8,000 manu khan Prime Miniser Narendra Modi, Chief Minister Dr Himanta Biswa Sarma aro BJP party ke morom kuribole nimitey ahisey.
Etu minister para koisey ki 35,000 kaam napaikina thaka youh khan tu BJP para dibole kosom kha para bi bisi sarkari job pabo.
Etu minister para koisey ki Congress mukt thaka rajya Assam te BJP sarkar laga under te khali dangor busti aro town khan laga youth para sarkari naukri paisey. Tai para koisey Assam te Orunodoi scheme dhurikina thaka million opor manu khan ke pura public osor te kosom khaisey ki etu scheme laga poisa ke joldi hi Rs 1450 tak baraidibo.
Etu minister para enaka bi koisey ki Chief Miniser Dr. Himanta Biswa Sarma para kosom kha hisap te, 6 lakh nutun maiki khan ke etu scheme laga under te anibo. Miniser Hazarika para koisey ki Chief Minister Dr. Sharma para election khan laga kosom tu letter aro spirit te manu khan nimitey likhisey. Etu minister para koisey ki BJP sarkar para 70 lakh parivar khan ke free chawl disey.
Etu minister para koisey ki sarkar para election te aro ekta kosom kha hisap te maiki khan para loan luwa tu maaf kuribole nimitey Rs 2,100 crore maan poisa refund kurisey. Juwa 70 saal homoitey aro Congress para chola homoitey, Assam te khali 6ta medical college thakisey.
Assam te BJP laga raaj thaka homoitey medical college laga number 12 tak barisey koikina etu minister para koisey ki etya bi rajya te aro 12 maan medical college bana laga kaam tu pura puri chuli asey. BJP sarkar para rajya te hodai saal anibole thaka 3000 doctor khan nimitey ekta mohol banabo. Assam te Chief Minister Himanta Biswa Sarma laga kosis para ekta MSP system introduce kurisey. Etu laga natija tu, rajya laga kisan khan tu kheti laga dhaan nimiey bisi bhal kimat pai asey.
Etu minister para koisey, “Chief Minister laga sapna tu Assam ke desh laga top 5 rajya majotey loijabole laga asey. BTR te floodwater ke mukt kuribole nimitey Rs 18 crore poisa side kurisey. Etu minister para koisey ki flood ke control kuribole nimitey hodai saal Rs 120 crore poisa dibo. Juwa dui saal te, BJP sarkar para flood hobole para rokhabole para laga rasa banaisey.”
Etu BTR agreement tu Prime Minister Narendra Modi aro Home Minister Ami Shah para chola BJP sarkar laga homoitey khotom hoisey.
BJP sarkar para chola homoitey, self-help group (SHG) laga sob 4 lakh maiki khan ke Rs 25,000 poisa dibole nimitey arrangemen kurisey. Agey barikina etu baar, sob Self Help Group khan ke Rs 1,10,000 laga poisa modod dibo koikina Miniser Pijush Hazarika para koisey.
Desh te development anibole nimitey Minister Pijush Hazarika para desh te aro third baar bi Narendra Modi ke Prime Miniser banabole nimitey aro desh te development anibole nimitey BJP ke vote dibole koisey.
Add Comment