October 31 ,2020: Assam government para Friday te schools khan class VI para shuru kurikena colleges aro dusra private aro government institutions alag alag levels nimete November 2 para khulibole thaka nimete revised standard operating procedure (SOP) olaishe.
Akhe wala 15 din schools khula laga state te etu bi students khan thik thak thakibole nimete home-based schooling para formal schooling tak khali orientation base activities khan lobole ase.
SOP diya hisaab te upper primary, secondary and senior secondary schools, te VI, VIII, X and XII laga students laga classes toh Mondays, Wednesdays aro Friday te lobole ase.
Class VII, IX and XI, students nimete classes toh Tuesdays, Thursdays aro Saturdays te lobole ase.etu detailed SOPs te staggered timetable ase colleges, engineering colleges, polytechnic institutions aro ITIs khan nimete.
Hoilebi online mode of education toh chuli thakibo students khan nimete kun khan online classes lobole mun ase school te nahikena.
Aro bi khobor te janaishe ki schools aro colleges te ahi thaka students khan tai khan ama baba para likhekena NOC anibole lagibo.
Ama baba khan ke koishe tai khan laga ward toh classes te jabole nimete masks khan thik thak lagaikena.
Schools aro colleges khan ke koishe students khan laga attendance khan nalobole nimete.
Aro bi khobor te janaishe ki schools aro colleges laga hostel facilities khan toh order napaa tak bondh thakibo.
I to V laga classes khan bi bondh thakibo order napaa tak.
Add Comment