Guwahati, September 20, 2025: Assam State Disaster Management Authority (ASDMA) khan laga hisab te. Assam tee tea Second wave laga Flood ahishe koishe. Aru yete 50,000 manu nishina ke duk dishe koishe. Etu toh pasta districts nishina khan te ase. Yete Panni toh jorpara giri kina.
Golaghat, Cachar, Sonitpur, Nagaon aru Bishwanath Districts te panni borta hoishe koishe. Aru Golaghat te toh sobse bia para duk pai kina ase koishe. Yete 32,217 manu nishina khan toh panni para duk pai ase koishe. Aru Sontipur te toh 13,409 nishina.
Aru kunba Nodi khan toh Danger mark laga upor te flood hoi kina ase koishe. Yete Sivasagar te thakhea laga Dikhou, Golaghat laga Dhansiri, Cachar laga Barak aru Sribhumi laga Kushiara.
Authorities khan para 29 relied camp nishina dali kina ase koishe. Yete duk palaga Districts khan te. Yete 8,131 manu nishina ase koishe. Aru 19,162 manu nishina khan toh Centres laga relief camps khan te ase koishe. Hoilebi etu panni flood para etea tak kunbi murea nai koishe.
Add Comment