Assam sorkar khan filmmaker Rima Das ke 1 crore dishe

Guwahati, Sept 28 (PTI) : Village Rockstars’ India desh laga 2019 Oscars  laga Best Foreign Language film category, te ghussikena  thaka   laga  director and producer  Rima  Das ke  aro  bi Assam sorkar khan pora   Rs 50 lakh dishe.Friday te Chief Minister Sarbananda Sonowal  pora  khobor dia pichede.Olop akhe te state sorkar khan pora Das ke Rs 50 lakh dishe .Etu sob milaikena Rs one crore dibole ase etu film bona manu ke .Das pora cheif minister ke matikena khushi janaishe ‘Village Rockstars’ ke chuna karne India laga pohila film  Oscar te ghussa toh   aro tai pora Assam sorkar aro manu khan ke dhandyaabad koishe tai ke support kura nimete.Sonowal pora tai ke bi khushi janaishe tai laga film bishi bhal huwa nimete aro bhabona kuri ase etu film pora Oscar jitibo Best Foreign Language film category te.Khali state laga hi kotha nokoikenaThursday te Rima pora sorkar khan pora modot mangise tai laga film olabole nimete award aro etu nimete komti hoilebi Rs three crore lageh Oscars te ghussibole nimete  aro etu film toh final nomination te ghussibole karne .Das koishe Village Rockstars’ pora 80 film festivals khan te beraishe aro  etia tak 44 awards khan jitikena ase.Etu film toh Toronto, Berlin, Cannes aro Venice festivals te dikhaishe.Etu film toh Pan India PVR pora olaishe. ‘Village Rockstars’ laga kisaa toh ekta poisa nathaka maiki kun ekta rockstar hobole mun ase aro etu laga kisaa toh tai nijor laga jaka Chayagaon te ase.Etu film pora four national awards, jitishe etu te ekta toh ‘Swarna Kamal’ best film nimete jitishe .