Assam special court para ACS officer ke 4 saal jail dishe

April 9, 2021. Thursday din Guwahati te special court para bribery case te Assam Civil Service (ACS) officer ke 4 saal nemite jail jaboli junaishe. 2015 saal te Assam police laga vigilance aro anti-corruption bureau para ACS officer Nandita Konwar ke thurishe, etu samai etu officer para NGO ekta laga hath para bribe loikena thakishe. “Spl V&AC Court Ghty Case No.10/2017 te Smti Nandita Konwar, ACS ke thurishe, PD, DRDA, Kamrup(M) Punishment: u/s 7 PC Act-3 saal aro Rs.12,000/- fine, etu oper te u/s 13(2) PC Act-4 saal aro Rs 20000 fine, tuita sajai toh pabo,” koikena Special DGP GP Singh para janaishe. Purana Assam Congress minister aro Bihar aro Tripura laga ex-governor, Devananda Konwar laga chokri Konwar logot October 8, 2015 saal Chandmari te thurishe. Tai ke thura samai, tai toh District Rural Development Agency (DRDA) Kamrup (metro) district te project director post te thakishe. Konwar para Durga Sarovar Unnayan Samity, Purna Chetry te Rs 12,000 toh NGO laga hath para mangkishe koishe. Tai para bill ekta Durga Sarovar rasta bonaboli nemite Rs 1.2 lakh laga 12 per cent demand korishe. Etu funds toh MP Local Area Development (MPLAD) MP Bijoya Chakravarty laga para thiboli thaka ase.