Assam te 18 wild elephants morishe

May 14, 2021. Central Assam, Nagaon district Bamuni Hills, Barhampur police station pithor te komti hoilebi 18 jungle elephants morikena thakishe koishe. Khobor hesab te 4 elephants laga body toh foothills te paishe aro dosura elephants toh bahar oper te morikena thakishe. Forest officials para koishe ke, etu elephant mora khobor toh Thursday din te local bosti manuh khan para kowa beche janishe. Elephants toh kenika morishe khobor toh loboli ase. Forest officials para suspect kora toh etu elephants toh lightning para morishe bapana ase. Forest officials jaga te jaishe aro Friday din te postmortem loishe. Experts para kowa toh postmortem nakora dak etu elephants lightning para morishe koboli naparibo. “post-mortem khobor para elephants mora toh janibo, hoilebi, prima-facie hesab te lighting para mora neshina nahoi koishe. Elephants mora toh poison para neshina ase,” koikena elephant experts Vijayananda Choudhury para khobor toh janaishe. Desh te eke logot eman besi elephants mora case toh 1^st time ase. Chief minister Himanta Biswa Sarma para forest & environment minister Parimal Suklabaidya logot joldi jaga te jaikena elephants mora khobor toh loboli hokom thishe.