Assam te caste certificates nemite Citizenship proof nalaki

GUWAHATI: Assam government para fesla ekta loikena junaishe ke, state te caste certificates issue koribo nemite citizenship proof nahoile NRC te nam thaka nalakibo koishe. Etu khobor toh Saturday din state cabinet para junaishe. Minister Keshab Mahanta para etu notun fesla lowa te kotha kora samai koishe ke, caste certificates issue kora samai itya applicants para  citizenship certificates nahoile NRC thikaboli nalaki koishe. Tai para aro koishe ke, jodi etu applicant laga parents logot puila para caste certificates issue korikena thakishe koile, etu mauh logot caste certificate toh issue koribo. Mahanta para aro koishe ke, caste certificate issue kora samai applicant laga parents certificate toh check koriboli janaishe. Aro jodi application toh dosura manuh para filed kora samai tai khan laga parents caste certificate toh thikaboli parai nai koile enquiry thakibo koishe. Tai aro koishe ke, students laga admission procedure asan hoboli nemite, state cabinet para students schools te study kora samai caste certificates issue koriboli fesla loishe. Mahanta para aro koishe ke, class IX aro X students logot administration para tai khan nemite caste certificates issue kora te motob koribo, keli koile beche te etu certificate nemite students laga opportunities toh beya nakoribo.