Assam te CEE 2021 exam August 29 te thakibo

July 11, 2021. Assam te Combined Entrance Exam (CEE) 2021, toh August 29 darik te loboli ase koikena janaishe. State te engineering colleges te admission nemite Assam Science and Technology University (ASTU) para exam lobo koishe. Etu nemite application forms toh July 14 para August 2 darik dak pai-jabo. Admit cards toh exam soruh nakora akhe 15 darik pithor te issue koribo. Assam Science and Technology University (ASTU) para janaishe ke, exam darik toh thikana nai, keli koile state government para COVID-19 guidelines hesab te modified koriboli parey koishe. Assam CEE 2021 toh Assam Higher Secondary Education Council (AHSEC) laga syllabus hesab te thakibo aro exam toh multiple-choice questions (MCQs) thakibo. Etu exam te ekta paper te tinta(3) sections- Physics, Chemistry aro Mathematics thakibo aro exam laga samai toh tin(3) gonda thakibo. Sob section te 40 questions ahibo koishe. Correct answer te 4 marks thibo aro jodi answer toh kolti hoile ekta mark kathibo koishe. Application forms toh university website – astu.ac.in te paijabo aro exam laga fee toh Rs 750 charge koribo koishe.