Assam te ek jun blood group jalti paikena murishe

GUWAHATI | October 13, 2018: Assam Medical College and Hospital (AMCH) Thursday te ekta bura manu murishe  .Kile koile toh tai ke khoon diya time te dusra khoon diya karne mura ase.Etu mura manu laga naam toh  Siddheswar Moran, 75-sal ase .Aro etu bura toh    Tinsukia district laga Bormesai village pora ase.Etu chamlea huwa pichede  AMCH authorities khan pora ekta high level  inquiry committee olaishe etu chamela te chan bin kuribole nimete  .Etu committee khan ke koishe tai khan laga report toh 24 hours majhotte dibi koikena  .Etu victim laga mota bacha Akoni pora FIR kurishe  Borbari police outpost te.Etu toh   medical college campus bithor te ase .Tai khan pora etu toh AMCH laga khilaaf kura ase.Akoni laga complaint kura hisaab te  Siddeshwar toh hospital orthopedics department AMCH  te admit huwa ase  October 3 te  tai hip te jhokom paa nimete .October 11 te te surgery kurishe  aro doctor khan pora koishe  O-positive blood, arrange kuribi koikena etu blood group toh    Siddheswar laga ase.Etu kuwa pichede tai laga khandan manu khan pora  one unit O-positive blood anishe  .1 pm nishena te  surgery huwa pichede  etu patient ke ICU te lui jaa time te .Etu khandan laga manu pora dikhishe etu khoon thaka laga pouch stretcher uporte hang kurikena thaka toh B positive thakishe.