TNT Desk | September 16, 2018:Assam aro Arunachal Pradesh te Ranganadi dam khuli dikena paani bishi gira karne 76 bosti khan ke paani pora luijaishe aro komti hoilebi 25,000 manu nishena dukh paishe etu pora .Thursday te Ranganadi dam laga tinta gate khulidishe Neepco khan pora Yajuli Arunachal Pradesh Lower Subansiri district paani bishi ola pora .Etu dam pora paani olaidiya nimete Lakhimpur district laga 76 bosti khan paani pora lui jaishe aro etu pora komti hoilebi 25000 manu nishena dukh paishe .Etu dam pora paani bishi ola pora 3560 hectares laga mati biya hoi jaishe . Lakhimpur district administration pora etu jaka laga manu khan ke hosiyar janaidishe aro tai khan ke thik thak thakibi koikena aro bhui nakhabi Ranganadi reservoir pora paani olaidiya nimete.Olop akhe March 11 2017 te Amtola aro Lakhimpur osor te thaka 220 bosti khan paani pora luijaishe dam pora paani olaidiya pichede.Assam aro Arunachal Pradesh te komti hoilebi one lakh manu nishena paani bishi gira karne dukh paishe .Assam laga 6 ta district te ferry service khan rukhai dishe paani laga level bishi utha nimete. Assam’s Dhemaji district laga 173 bosti khan paani toh uporte uthikena 47471 manu khan dukh paishe aro crop khan 7,108 tr thaka toh biya hoijaishe .Komti hoilebi 805 manu khan tinta relief camp district authorities pora khula te jaikena bui thaki asde. Dhemaji aro Bordoloni stations majhotte thaka Jiadha nodi laga ekta portion bridge toh paani pora luijaishe. Northeast Frontier Railways koishe tai khan laga kunuba train toh olop diri karne rukhaidishe .
January 23, 2025
World's First and Only Nagamese Newspaper
Add Comment