Guwahati, December 2, 2025: December 1 din te. 150 Jongol hatti nishina khan toh. West Karbi Anglong laga Kheroni Jagate ahishe koishe. Aro yete 20 saal maiki ekta ke murai dishe koishe.
Authorities khan para janai dishe ki. Etu maiki toh Khusbu Rajbhar ase koishe. Aru tai toh Bagisadubi Bosti para ase. Taike etu jongol hatti laga group para ekta hatti ekila side te ulai kina thakhea wala para murai dishe koishe. Tai toh jaga jagate muri jaishe koishe.
Bosti manu khan para koishe ki. Taikhan laga jagate enika jongol hatti khan ahi thakhea koishe. Aru taikhan laga kheti aru ghor khan sob bia kuri dea ase koishe. Aru tate thakhea manu khan parabi janai dishe ki. Taikhan Forest Department khan ke tarika lobole mangi kina thakhea lebi. Forest Department khan etea tak eku nakuri kina ase koishe.
Etu nimete taikhan parabi phat tarika lobole mangea ase. Ahibole laga homoi te enika jamala aru lok nakuribole karne. Aru Community khan parabi. Etu murea maiki laga family khan ke poisa olop dibole mangra ase koishe. Yete ahibole laga homoi te. Wildlife aru Settlements majote jamala na ulabole karne.
Add Comment