Guwahati, April 24 : April 26 te hobole thaka Lok Sabha election laga second phase nimitey Assam laga 5ta constituency te campaign kora tu Wednesday din te khotom hoisey.
Total 61 candidate contetst kuri asey.
Voting tu Barak Valley laga duita constituency- Silchar (SC) aro Karimganj te hobole asey, ekta tu pahari district- Diphu (ST) te aro duita tu Brahmaputra Valley- Nagaon aro Darrang-Udalguri te hobole asey.
National leaders khan majotey, Union Home Minister Amit Shah para second phase nimitey BJP candidate Parimal Suklabaidya karney Silchar te ekta roadshow kurikina campaign kurisey. Jabki, Trinamool Congress leader aro West Bengal Chief Minister Mamata Banerjee para bi second phase te etu party laga Silchar (SC) candidate Radheshyam Biswas nimitey contest kurisiley
BJP laga election campaign ke Chief Minister Himanta Biswa Sarma para lead kurisey kun para voting hobole thaka sob constituency te hodai din komsikom 4ta rally rakhisey. Jabki Union Minister Sarbananda Sonowal, kun first phase te Dibrugarh constituency para contest kurisiley, tai Silchar aro Karimganj te Barak Valley te BJP candidate khan nimitey contest kurisiley.
Dusra fale, opposition party khan bisi bhak taikhan laga campaign te state leader laga opor te rely kurisey.
BJP campaign tu central aro state government duita laga bi alag alag development scheme aro BJP para centre aro state te 10 saal aro 8 saal rule kora homoitey achievement kora ke highlight kuribole te focus kurisey.
Add Comment