Assam te maiki ke rape kureshe, acid hamla laga dhamke de kena

Guwahati, December 28, 2025: Ekta 17 sal maiki, Choto Dudhpatil bosti te thaka, rape hoishe aro black mail khai she. 19 sal mota para tai ke acid para hamla kurebo koi kena dhamke deshe, aro rape kure deshe. Tai aro online te be video khan hale deshe bei kam kure laga. Mota laga nam toh Rahul Biswas ase koishe, tai ke Rohit para janea koishe. Tai utu maiki ke jo borjos kure she physical relationship thake bole, tai ke acid para hamla kurebo koi ne dham ke she, tai bei kam nakure le. Tai maiki laga opor te bei kam kurea homoi te mota toh video be loi she koishe maiki ke naho de kena. Biswas toh aro utu video loi kena dham ki dea shuru hoishe. Maiki tai laga khota naho nea karne mota toh photo aro video toh internet te hale deshe koishe. Maiki toh tai ekla ke mora bole kushesh kure she. Maiki toh school be jabole rukhe jai she koishe aro etia medical aro psycological treatment ja ase koishe. Malugram Police Station, Cachar district te register kure she case toh, maiki laga ghor manu para complain dea peche. Police khan para koishe Biswas toh Bengaluru te plai jai she. Choto Dudhpatil laga manu khan police khan ke juldi action lobe koine demand mange ase.