Assam te Mizoram kelaaf economic blockade thaka kulishe

SILCHAR: Assam para Mizoram kelaaf te economic blockade kori thaka toh kotom korishe, etu economic blockade toh 10 din oper Assam para Mizoram kelaaf te kori thaka toh tuita(2) Assam ministers  Ashok Singhal aro Parimal Suklabaidhya para kotha kora beche ase, koikena khobor para janai thishe. Ekso(100)  trucks neshina saman loikena Mizoram state te jai thaka toh Assam laga National Highway 306 te rokishe thaka toh aro jowa soruh hoishe. Etu economic blockade toh Assam’s Cachar district te Lailapur  jaga laga local manuh khan laga kam thaka ase koishe. Assam Ministers Ashok Singhal aro Parimal Suklabaidya toh Saturday saam Lailapur  ponchise aro locals khan logot kotha kora beche blockade hoikena thaka toh kuli thishe. Lailapur  te locals khan para blockade kora toh hoile, July 26 darik Assam-Mizoram border te jamila howa nemite ase koishe aro etu larai kora samai 6 Assam police personnel aro civilian ek jun larai te morishe, etu oper te tuita(2) side te be besi manuh jokom hoikena ase.