Assam te mob chamela

GUWAHATI, October 20, 2018:Assam  te ek din pichede  ekta mota maiki ke muraidiya pichede .Etu murai diya mota laga bhai ke cha bagan te luijaikena manu khan pora muraidishe . Upper Assam Dibrugarh district Moran Police station laga officer-in-charge Dipendra Chetri, kuwa hisaab te  Bhola Praja aro  Ramoni ke Thursday saam te luijaishe ekta manu Jaggu Praja pora .”Etu manu pora tai khan ke dao pora muraidishe  .Bhola aro tai laga maiki murishe spot te.Police khan punchikena thaka time te bi body toh spot te thakishe .Chetri koishe  .Etu mota aro maiki toh chai bagan te kaam kuri thakishe  .Etu murai diya manu bi etu jaka te  hi kaam kuri thakishe  .”Thursday morning te etu dui jun Jaggu laga ghor te jaikena jakara kuri thakishe  ,”Chetri aro koishe Jaggu laga bhuini toh Bhola laga mota bacha logote shaadi kurikena ase .Etu shaadi toh bishi chamela ola pora etu duita khandan  manu  majhotte jakara olaishe.Chetri koikena janaishe .Jaggu etu huwa pichede polaijaishe aro Friday saam te tai ke thuri paishe  .Etu huwa pichede  local khan jaggu laga ghor te jaishe .”Tai khan pora tai laga baba   ke marikena ghor laga saaman phangaidikena  tai laga ghor te thaka manu khan bi polaishe .