DIBRUGARH: Upper Assam te jowa 24 gonda samai poisonous mushrooms kaikena 13 jun neshina morishe koishe. Assam Medical College and Hospital (AMCH) superintendent Dr Prasanta Dihingia para junaishe ke, etu manuh khan sob toh hospital te elaj kora samai morishe. Tai para aro koishe ke, 35 jun mushroom poisoning toh upper Assam districts Charaideo, Dibrugarh, Sivasagar aro Tinsukia laga manuh khan toh AMCH te 5 din akhe admitted hoikena thaka pithor te 13 jun toh morishe koishe. “Monday din 4 jun morishe aro 9 jun toh Tuesday din morishe. Etu manuh khan sob toh jungle te ola poisonous mushrooms nejor ghor te kaboli nemite bonaishe. Etu mushrooms kaikena nausea, vomiting aro abdominal cramp hoishe, koikena Dihingia para janaishe. Tai para aro koishe ke, hotai saal manuh khan poisonous mushrooms kaikena bemar olai thaki”, koishe. Etu mora manuh pithor te Sonari area, Charaideo district para 7 jun pithor te bacha ek jun be morishe, Barbaruah area, Dibrugarh district para 5 jun aro Sivasagar district para ek jun morishe. Etu mora manuh khan besi bakh toh tea garden community para ase koishe.
Assam te mushroom kaikena 13 jun morishe
Add Comment