GUWAHATI: Northeastern state te COVID-19 bemari cases toh 5,89,426 hoikena thaka samai aro notun 570 manuh ke positive tested powa nemite, Assam government para notun Covid restrictions junai thishe. Etu notun hoshari neum toh September 1 darik 11:00 AM para soruh hoboli koishe. September 1 darik para partial curfew samai toh 9 PM para 5 AM dak thakibo. Kaun jaga te 10 Covid cases oper thuribo, etu jaga toh containment zones koikena janai thibo. Marriages/functions/funerals/last rites samai 50 manuh jama koriboli manishe. Religious jaga te manuh 40 jun oper jama nakoribo koishe aro weekly haats toh kali 6 gonda kula thakibo. Kamrup Metro te manuh besi mora khobor nemite aro Jorhat, Nagaon aro Tinsukia te COVID-19 bemar para manuh mora melaikena 5,660 hoikena ase, koikena National Health Mission para khobor toh janaishe. NHM para koishe ke, itya dak te COVID-19 bemar para 1,347 manuh aro morikena ase, hoilebi government laga audit board para etu manuh mora khan ke toh samil nakorikena ase, keli koile tai khan logot dosura bemar thaka nemite. Itya dak te manuh mora laga rate toh 0.96 per cent te ase. Notun cases pithor te sobse besi cases toh Kamrup Metro para 131 bemar manuh ase, etu beche Jorhat aro Golaghat te 37 aro Sivasagar te 30 cases ase. Itya Assam te sob melaikena 5,554 active cases ase aro etu samai sob melaikena 2,16,74,871 COVID-19 samples tested korikena ase. Tuesday din te 88,519 tests kora te 570 coronavirus bemar thurishe. Assam te 1 din laga positivity rate toh 0.64 per cent te ase. Etu samai, 624 bemar thaka manuh khan bhal hoishe, etu melaikena bemar bhal hoikena thaka toh 5,76,865 ase. State te COVID-19 recovery rate toh 97.87 per cent ase. State te itya dak 1.75 crore manuh vaccine loikena ase aro etu pithor te 31,25,844 manuh tuita(2) doses be loikena ase koishe.
Add Comment