Assam te NRL’s capacity 3 MMT para 9 MMT othabo

May 28, 2021. Numaligarh Refinery (NRL) te itya thaka capacity 3 million metric tonnes (MMT) toh 9 (MMT) te othaboli koishe aro etu oper te Odisha para crude oil toh Assam te anibo, koikena Thursday din chief minister Himanta Biswa Sarma para khobor toh janaishe. Sarma para koishe ke, Numaligarh Refinery (NRL) para NRL crude oil toh Paradeep, Odisha pipeline para aniya beche Assam te refined korikena  Bangladesh, Myanmar aro dosura Indian states te exported koribo koishe. Tai koishe, Paradeep crude oil para Assam laga tinta(3) refineries- Bongaigaon, Guwahati and NRL te capacity toh othaboli janaishe. Puila Assam laga crude oil toh Barauni te putai thaka toh itya 6 MMT crude oil toh state te ahibo. Sarma  para aro koishe, NRL laga capacity toh itya 3 MMT thakai toh 9 MMT te 2024 saal dak te hoi jabo etu kam nemite Central government para manishe. Tai koishe, Assam government para itya NRL logot 12.35 per cent loi thaka toh 26 per cent te othabo aro etu kam nemite Rs 2,187 crore korcha hobo koishe. Upper Assam Numaligarh te bonaikena thaka NRL toh toh 1985 Assam Accord provisions hesab te kora ase aro etu Assam te illegal immigrants” hatabo nemite 6 saal agitation korishe. Sarma para koishe, itya Assam government toh NRL hath para Rs 500 crore royalty pai ase, etu capacity toh aro otha beche Assam laga royalty toh saal te Rs 1,500 crore hoi jabo. “ami khan laga non-tax revenue toh othaboli laki. Assam khan nejor laga kamai para 4 moina thakiboli parebo. Ami khan central taxes share, alag-alag central sector schemes aro oil & gas royalty te depend ase. Ami khan oil & gas companies toh aha din Assam bhal nemite othaboli laki. Oil & gas companies para Assam laga economy ke besi tangor motob kori ase,” koikena tai para aro janaishe.