GUWAHATI | March 24: Prime Minister Narendra Modi toh Assam te March 30 te campaign koribole ase, BJP leaders khan pora koise.
Bharatiya Janata Party pora Saturday te khobor korise ki Prime Minister toh Dibrugarh Lok Sabha constituency laga Moran aro Tezpur constituency laga Gohpur laga tweita rally te kotha koribole ase.
Kintoh BJP laga sitting Dibrugarh MP, Rameswar Teli, toh tweibar nimite khara koribole ase, state Labour Minister Pallab Lochan Das toh sitting MP Ram Prasad Sarmah logote podli korikena Tezpur pora khara koribole ase.
Kintoh Dibrugarh toh tea tribe besi thakiya constituency ase, Tezpur constituency te bi tea tribe voters khan laga votes toh besi zaroori ase.
Teli aro Das tweijun bi tea tribe jaati laga manu ase.
Aalag haat te, Opposition Congress toh General Secretary Priyanka Gandhi ke Assam laga konoba constituencies khan te campaign koribo laga fesla kori ase. Hoilebi etu party toh Assam te tai khan laga star campaigners ahibo laga direk etiya bi janai dibole ase.
Add Comment