Guwahati, December 9, 2025: December 8 teh bishe manu kun protest kurei ase aro ekta police sub-inspector jokhom paisha. Manu khan kile protest kure thakisha koile toh Tiwa Autonomous Council area khan ge Sixth Schedule of the constitution teh halebole. Protest kurei homoi teh police khan lathicharge kurei shuru hoisha. Aro manu beshi jokhom paisha.
Etu protest toh All Tiwa Students Union (ATSU)para shuru kurisha. Aro etu protest teh manu beshi ahei ke na national Highway- 27 Jagiroad block kuredisha. ATSU general secretary Taurn Madar para BJP-led government ge enzam haleshe ki tai khan community khan laga duk sa nahoi. Tai para aro warning de sha ki tai khan ki mangei ase nadele toh tai khan protest aro beshe kurebo January para.
Tai khan laga key demand khan toh Tiwa council areas toh Sixth Schedule provision lahga bitor anebole. Bahar para ahei ge na buhei khan ge hatabole tribal belts teh. Tata semiconductor plant teh Tiwa laga jawan khan ge kam debole. TET examination thakebole Tiwa language teachers khan recruit karne. Aro tai khan laga community ge Lalung nahoi ge na Tiwa matebe koishe Contitution’s tribal list teh.
Polive officials khan para koishe ki etu protest karne traffic beshe bei hoisha. Aro utu highway toh main ase koishe Upper Assam aro Guwahati connect kurei toh. Police khan beshi request kure sha manu khan ge rasta para hate jabole. Etu homoi teh police khan lathi para marei shuru hoisha. Aro manu beshe jokhom hoisha. Sob jokhom kha manu khan ge medical attention desha koishe.
Add Comment