GUWAHATI | AUG 29, 2020: Right-wing groups para protest kora nemite television serial ekta banned kori thishe. Hindu aro Assamese culture nam beya hoikena “love jihad” uthai nemite ase koikena officials khan para Saturday din te janai thishe. “TV serial, ‘Begum Jaan’ tuh Kamrup (Metro) district-level monitoring committee laga kotha parra tui(2) moina nemite bondh korishe” koikena Guwahati Police Commissioner Munna Prasad Gupta para koishe. “prohibitory order ekta Cable Television Network (Regulations) Act 1995, pithor te serial toh natikaboli koishe” tai para janaise. Private entertainment channel khan para etu serial thika nemite chaka para alaj-alaj complaints besi paa nemite Gupata para 10-member committee logot kotha koishe.
“committee khan para kotha koikena fesla korishe, keli koile etu para manuh khan pithor te shuk-shanty thaka toh beya hobo pareh koikena August 24 darik te bondh koriboli order thishe. Tui moina samay kotom hoile toh TV chaneel khan para order toh saboli pareh aro committee para notun kotha junai thibo” officer para koishe. Groups neshina- Hindu Jagran Manch aro Hindu Janajagruti Samiti khan para etu serial nemite jaa hafta para protest kurikena ahiase, tai khan koishe ke, “etu para love jihad uthai te aro Hindu aro Assamese culture laga nam beya kori te koishe. Social Media te be serial kelaaf te campaigns kora soruh hoishe. Reporters khan ke kotha kora samay, serial laga lead actor Preety Kongkona para koishe ke, “etu serial te communal laga eku kotha nai hoilebi manuh logot besas thaka he thika ase. Tai aro koishe ke, “love jihad” laga kotha kora toh manuh khan laga bhapana para he ase. “etu serial te, Hindu maiki ekta ke alaj alaj kam te thurishe aro etu samay tai ke Muslim manuh ek jun motob korishe. Hoilebi, mesa kotha phile-kena maiki Janmoni toh Muslim mota logot toh bolaise” koikena tai para koishe. Etu serial toh Private channel para July Moina te thika soruhu korishe. Kongkona para koishe ke, tai logot social media te kotha beya besi koishe aro botnam korishe aro tai ke rape koriboli kotha paishe. Etu nemite tai para Police logot complaint thishe.
Add Comment