Guwahati, September 8, 2026: Assam laga Dhubri Police khan para tin jun manu ke geraftar kure she ekta doctor laga hath te para puisa extort kure bole khushesh kurea karne, ek jun ke etia be napai kena ase, police khan para enia koi she.
Geraftar ho khan laga nam toh Sahil Shaikh, kun ekta private statllite news channel laga correspondent ase, Dewan Jahangir Alom aro Ashraful Alom kun local news portals khan logo te kam kurea.
Aro etia be napai kena thakea laga nam toh Soiodur Rahman ase, tai toh Assam Talks laga ekta correspondent ase. Police khan laga hesab te, utu manu khan Dr. Chotka Rahman ke dhamki kure kena Rs 3 lakh mangea thake she. Doctor toh buea lage kena tai khan Rs 85,000 de she. Etu piche te jai kena Dhubri Sadar Police station te ekta complaint file kure she.
