Assam Tinsukia te hamlaa kura toh ULFA(I) khan thakishe

GUWAHATI, November 23, 2018: Tuesday din  Assam Director General of Police Kuladhar Saikia  pora koishe ekta  ULFA(I) militants laga 6 member team khan pora  Tinsukia district te huwa   five ta Bengali kotha kuwa manu ke  tai khan pora murai diya ase  .Etu DGP pora etu kuwa toh duijun manu  khan murikena aro bishi manu khan jhokom paikena thaka Sibsagar district  upper Assam te ULFA (Independent) militants khan pora grenade hamlaa kura pichede .November 1 laga rati te  ekta group pora  Kherbari laga 6 ta bosti manu ke matise  .Tai khan ke etu group khan pora  Dhola-Sadiya bridge laga osor te luijaikena   guli marishe etu pora 5 jun manu spot te murishe   .Ek jun toh bachi jaishe   .Etu hamlaa kura manu khan toh  United Liberation Front of Asom (Independent) akhe pora hi bhabona kuri thakishe.Hoilebi tai khan  mananai tai khan etu kurishe koikena   .”Police khan chan bin kuri ase  etu mura laga .Ami khan pora sob khobor paishe etu hadsaa toh kinika hoishe koikena  .Ami khan logote sob khobor ase  etu Tinsukia firing incident te  ULFA(I) khan laga haath ase koikena  ,” DGP Saikia pora meeting luwa time te reporters khan ke koikena janaishe . Assam police khan Arunachal Pradesh aro Nagaland  Police logote milikena etu case chan bin kuri ase. ULFA(I)’s khan etu te tai khan laga haath nai koikena saikia  koishe”Ami khan etu te okobi mon diya nai hoilebi ULFA(I) khan pora etu hadsaa uporte kotha kurishe .Hoilebi  senior Assam minister Himanta Biswa Sarma Wednesday te koishe etu toh okobi nutun kotha nai juwan chokra khan bithor manu te ghussa toh.