GUWAHATI , December 20, 2019: Prime Minister Narendra Modi toh Khelo India Youth Games (KIYG) Guwahati aha sal January 10 te opening ceremony nimete ahibole nishena ase .
Khelo India chief executive officer (CEO) Avinash Joshi para Guwahati Thursday din te press conference luwa te khobor dishe.
Union minister of State (independent charge) for Sports, Kiren Rijiju bi etu occasion te ahibole ase.
Assam chief minister Sarbananda Sonowal para grand event te ahibo.Etia Khelo India Youth Games laga third edition laga tayari toh khotom hoishe etu bi rough phase hoikena Citizenship (Amendment) Act laga khilaaf protest khan kurikena.
Khelo India 2020 laga third edition toh January 10 para shuru kuribo aro etu toh January 22 te khotom kuribo.
Komti hoilebi 6800 athletes, 3000 supporting staff aro 1500 volunteers khan etu sporting event te bhaagh lobole ase .
Guwahati laga 11 venues te sob 37 states khan bhaagh lobole ase aro komti hoilebi 10000 participants khan etu event te bhaagh lobo.
Joshi para khobor dishe ki etu games te 1500 medals thakibo.Joshi koishe ki etu game laga live coverage toh Star Sports 8 to 9 hours dikhabole ase .
CEO koishe etu game toh poila laga edition para bi dangor thakibo.Opening ceremony toh January 10 Indira Gandhi Stadium te lobole ase.
January 7para hi etu contigents khan city te ahibole shuru kuribo.Joshi koishe host thaka nimete Assam khan sob disciplines te entries pabo.
Etu games nimete ticket nathakibo etu te opening ceremony nimete bi.Stadium para kun manu hoilebi jaikena games laga passes lobole paribo.
Add Comment