Assam Top Official, ICU dey nijor ke golee marishey, maiki Cancer para murina

Assam, 18 June : Assam Government laga ekta senior official Guwahati laga ekta hospital dey aathma tia kurina murishey, tai laga maiki ekta lamba bimari thakina muria piche dey, police para kuishey. Siladitya Chetiatoh Assam Government dey Home Secretary thakishey. Indian Police Service (IPS) para itu 2009-batch officer allegedly tai laga service bandook chulaina ICU pitor dey nijorke golee marishey kutey tai laga maiki murishey. Tai laga maiki toh carcinoma laga fourth stage dey thakisheh aro itu sheher laga ekta private hospital dey jaa kunwa din karney treatment lui thakishey. Itu officer toh tai laga maiki laga bimari karney jaa four mahina karney leave dey thakishey.

Chetiatoh Assam dey Tinsukia aro Sonitpur districts laga Superintendant Police (SP) nishna serve kuri thakishey. Tai Assam Police laga 4th Battalion laga Commandant nishna bhi serve kurishey, Home Secretary nishna post nahuaageydey.

Itu khobor ulaina bishi senior police officers khan itu hospital dey ahishey.