Assam, 8 April : Assam etiya India laga third fastest growing state banijase, juntu laga GDP growth rate ase 7.94% (constant prices te), Chief Minister Himanta Biswa Sarma announce korise.
State laga etu dangor poriborton ke tai credit dise pro-investor policy aru continuously infrastructure, institution aru manuh khan te investment korar karone. Sarma koise, etu jiman dangor economic momentum ase, eta few years agote “sochibo bhi nohoponi” thakise.
Itu month laga surute Assam Legislative Assembly te address korute, Chief Minister koise, “Ami regular 14–15% growth rate register kori thakise, juntu national average 9–10% para bisi ase. Assam top five fastest-growing state te ase.”
Government data hisab te, Assam laga Gross State Domestic Product (GSDP) consistently national growth ke cross korise:
2021–22: 21%
2022–23: 17%
2023–24: 19%
2024–25 (projected): 13%
Sarma Advantage Assam 2.0 summit laga success ke bhi example hisab te dikhai dise, state laga economic growth path strong ase buli saboloi.
Assam laga capital expenditure 2015–16 te ₹2,951 crore thaka para dangor jump mari ₹24,964 crore (2024–25) te pohchi jabo, juntu dikhai dise ki state te development-related khorcha dangor hoise.
“Etu Assam ke top state banai dise capital investment laga mamla te,” buli Sarma koise.
Assam laga financial condition bhal ase buli highlight korute, CM koise state laga debt-to-GDP ratio ase 25%, aru 17 profitable public sector undertaking (PSUs) ase, juntu milaike ₹40,000 crore net wealth contribute korise.
Upar para, state laga ₹58,000 crore worth laga asset bhi ase, juntu zarurat te sell kori fund uthai lobole paribo.
Add Comment