Assam trader kidnapping case te ek jun thurishe

Tura | Nov 17, 2018: East Garo Hills, Assam trader, Tapos Dey kidnappers khan laga haath pora poila jaa bishi din huwa pichede  .Police khan pora aro ekta gang member  ke thurishe etu bi tai nijor pora authorities khan ke surrender kura pichede  Rongsak Operations Group Centre (OGC) te. Munna D Marak (24) Rongsak te thaka manu nijor ke surrender kurishe  .Police khan kuwa hisaab te  etu manu toh etu kidnapping te thaka ase .Tai aro Anseng T Sangma aro Pelington Ch Marak logote milikena etu chamela shuru kura ase .Etu chamela huwa eki din te  Salsrang ke thurishe , Anseng T Sangma pora police khan pora Friday din te thurishe .Police khan etia dusra gang members khan ke bisari ase.Dey ke 3 din akhe te uthaishe tai Rongsak East Garo Hills Chiading PS bithor te thaka weekly bazaar te jaa time  te  .Tai ke ekta bike borne  criminals khan pora uthaishe  hoilebi etu eki din laga rati te polaijaishe.Etu uthai manu khan pora Rs 70,000 uthaikena luijaishe etu victim laga haath te thaka toh aduwa kinibole nimete etu saaman toh tai trade kureh.