Tezpur : Assam, Sonitpur district te “witch-hunting” case te 53 umer maiki ek jun ke moraishe aro tai laga body toh jungle te rupai-dishe, koikena officials para Sunday din te khobor toh janaishe. Senior officials khobor hesab te, etu incident toh Saturday rathi Rangapara police station osor Geruajuli bosti te hoishe. Etu maiki toh motha nai aro 4 bacha logot bohi thakishe. 11:00 pm samai, konuba manuh khan tai laga ghor te ahikena ta ke moraishe, police para koishe. Etu manuh khan para tai laga body toh loikena mathi pihtor te thalikena jaga para toh pulai jaishe. Sunday pujur bosti manuh khan para khobor toh bacha para kowa beche, police logot koikena manuh khan ke pesarai soruh hoishe. Besi gonda pesarina police aro villagers khan para body toh ghor para olop kilometer jaikena jungle te rupaikena thakishe koishe. Mora body toh post mortem nemite putaishe aro police para manuh khan ke thuribo soruh hoishe. Bosti manuh khan para suspect kora toh “witch-hunting” nemite ase, keli koile puila be tai ke konuba manuh para thamki korikena thakishe. Hoilebi, Sonitpur Deputy Superintendant of Police (DSP) Rasmi Rekha Sarma para koishe, mora body toh jungle te thaka nemite itya “witch-hunting” suspect toh eku khobor nai.
