GUWAHATI , September 10, 2019 : Assam filmmaker Bhaskar Hazarika’s film Aamis para etu sal laga Singapore South Asian International Film Festival (SAIFF) te duita awards jitishe.
Hazarika kun para etu film direct kurishe tai para Best Director award aro etu film laga ekta cast Lima Das para Best Actor (Female) award SAIFF Singapore laga third edition te etu award paishe.
Etu film festival toh August 31 2019 para September 7 2019 tak loishe .SAIFF toh ekta platform ase kuntu te south Asia laga bhal film khan dikhaishe.
Aamis toh SAIFF te 7:15 pm para 9 pm tak September 3 2019 te dikhaishe.Aamis laga kisaa toh ekta shaadi huwa Paediatrician Nirmali tai 30s laga aro ekta juwan PhD student Suman laga kisaa ase .
Etu film laga kisaa tohNirmala laga mota ekta senior doctor kun tai laga time kaam kuri thaka laga ase tai ke ekla charikena tai laga mota bacha ke sabole nimete.
Hoilebi olop pichede etu film te dikhai kinika Nrmali Suman ke lok kureh kun para tai ke fresh wild aro meat based delicacies khan dikhai aro tai dui jun laga saambandh food te kinika ase etu pichede tai duijun laga saambandh alag hoija laga ase.
Bhaskar Hazarika para etu film direct kurikena likhishe .Etu film Aamis te Arghadeep Baruah, Lima Das, Neetali Das, Manash Das aro Sagar Saurav ase .Etu film toh Poonam Deol aro Shyam Bora para bonaishe.Aamis toh toh dusra desh laga alag alag film festivals te dikhaishe.
Add Comment