December 11, 2024: Indigenous Assamese manu kan state laka 35 district para 12 deh minority ase aro Israel para hiki bo lakeh, kinaka dushman para surround kuri nah taki leh b baji bole, Assam chief Minister Himanta Biswa Sarma para Tuesday din deh kui shae.
“Assamese manu kan 12 district deh minority ase. Etu karne history para hiki bole lakeh. Kinaka Israel kan knowledge, science aro indomitable courage chui nah ekta lara country hui jai shae, pura side deh dushman para surround kuri nah taki leh b. Etu piche deh heh mukan ekta community taki nah baji bole pari bo,” Sarma para reporters keh kui shae, Jamugurihat deh taka event laka sidelines deh.
Sarma para Swahid Diwas deh dia speech deh b ekta eki point banai shae. “Mui Assamese manu kan keh hudi ase, Israel kan para hiki bole. Middle East deh, utu country tho Muslim fundamentalist para surround ase. Iran aro Iraq tho neighbours taki nah. Israel, ekta chutu population lokot deh ekta impregnable society hui jai shae, science, technology aro labour chui nah,” tai para event deh kui shae.
Sarma para taila government kan alak alak initiatives lui nah ase kui shae. Tateh ekta high level committee laka recommendations kan implement kuri bole laka steps kan ase, Assam Accord laka Clause 6 deh. Etu tho indigenous manu kan keh aro protection dibo leh bisareh.
Add Comment