UDALGURI, JULY 6, 2019: Government khan superstition khan khotom kuribole bhabana kura time te Udalguri district Assam te ekta science teacher para ekta bacha ke sacrifice kuribole kosish kurishe.
Etu hadsaa toh Ganakpara village Kalaigaon Police Station Udalguri district Assam July 6th, 2019 te hoishe .
Jadab Saharia para joborjosti ekta tin sal bacha ke sacrifice kuribole kosish kurishe .Etu bacha toh etu mota laga maiki laga bhuini laga bacha ase .Etu kura toh Ramesh Saharia, self-styled godman koikena kura ase . Baneikuchi village Darrang district Assam para Ramesh ase.
Locals khan koishe Ramesh toh Jadab laga ghor te puja rituals kuri thakishe tin sal para .Aji toh puja laga last darek ase .Locals khan koikena janaishe.
Khobor paa hisaab te etu ghor manu khan para tai khan laga kapra olaishe aro tai khan para mantras khan jai thaka time te .Etu newly-bought Royal Enfield motorcycle aro Wagon R car te jui lagai dishe . Ramesh para ghor laga saaman etu te television set, fridge khan julaidishe.Etu hadsaa huwa time te etu ghor te aata members khan thakishe.
Locals khan kosish kurishe etu ghor manu khan ke bachabole nimete .Hoilebi Ramesh para dhamki dishe hamlaa kuribole nimete dao para police khan ahise .Etu hadsaa cover kura time te Journalist khan ke bi hamlaa kurishe.
Police khan CRPF personnel logote milikena five-hour long operation loishe etu godman ke thuribole nimete aro ghor manu khan ke aro bacha ke bachaishe .Police khan five ta rounds phekabole olaishe hawaa te aro etu situation toh control te anibole nimete .Etu firing time te Jadab ke tai laga theng te lagishe .Tai ke hospital te luijaishe khobor paa hisaab te.
Etu hadsaa para etu region te dangor chamela olaishe .Police khan para etu detainees khan ke chan bin kuri ase.
Add Comment