New Delhi, 30 April : Thrombosis Thrombocytopenia Syndrome (TTS) — ekta blood clot disorder — AstraZeneca Covid vaccine laga ekta rare side effect asey aro itia tak jab laga risks para benefits ke outweigh kuri asey, doctors aji kuishey. Reports kuishey ki AstraZeneca para agey par karney court documents dey admit kurishey ki itu vaccine, Oxford University logot partnership dey develop kurina, ekta rare aro serious blood clot laga risk uthawo parey. Itu Oxford-AstraZeneca Covid vaccine, India dey Covishield aro Europe dey Vaxzevria kuina pikaina, ekta viral vector vaccine asey kuntu modified chimpanzee adenovirus ChAdOx1 chulaina develop kurishey. Covishield toh India dey Serum Institute of India (SII) logot partnership kurina manufacture aro market kurishey, desh pura dey administer kurishey — Indian population laga 90 per cent nishna ke. UK High Court dey pharmaceutical giant khilaf 51 cases nishna lodge kurishey claims upar dey ki itu laga Covid vaccine para maut aro serious jokhum huishey. Itu victims aro grieving relatives para damages sough kurishey, kuntu 100 million pounds tak estimate kurey, itu report kuishey. TTS para manu khan ke blood clots aro ekta low blood platelet count huwo dey.
AstraZeneca para manishey ki Covishield Jab dey Rare Side-Effect asey
Add Comment