At least cheita manu ke murai dishey Kyiv te gunman pra goli marina hostage loi kina

Kyiv, 19 April 2026: At least cheita manu ke murai dishey aro alak manu khan ke jokom kuri dishey ekta manu pra goli mara pichideh Kyiv te Saturday din te, Ukrainian officials pra koishey. Incident tho hoishey southern Holosiivskyi district te. Ukraine laka interior minister Ihor Klymenko pra koishey mota toh, kun locally thake, manu ke goli mara shuru kuri shey rasta te aro etu hoina hostage loishey osor supermarket te. Klymenko koishey hamla kura manu ke murai dishey supermarket te shoot-out hoi kina police lokot. Taila motive toh currently unclear ase. Exact number victims laka toh echa b unclear ase, hoileh b Ukrainian president Volodymyr Zelenskyy pra koishey 14 manu toh jokom hoishey, ekta 12 saal mota bacha milai kina. Tai pra koishey charta manu ke murai dishey rasta te aro ekta maiki, 30 saal nishina, olop deri hoina hospital te muri jaishey. Hamla kura manu pra ekta hostage ke b murai dishey.