Atankwatti mura ke prathana kura nemite 3 jun Students khetaidese

ALIGARH, OCTOBER 12 : Aligarh Muslim University (AMU) laga 3 jun Kashmiri Students kan ke etu University pora khetaidese aro hataidese. Kele tai kan 3 jun Hizbul Mujahideen atankwatti Manan Bashir Wani mura karne prathana kuribole meeting manabole kura karne koi kena, Officials kan pora Friday din janaise.Etu atankwatti Manan Bashir Wani toh North Kashmir jaka te Security Forces logot larai kura time te muraidiya laga ase. Aro tai nemite kunoba Kashmiri Students kan AMU laga toh Thursday din Kennedy Hall osor laga Campus te chama kurikena mura laga prathana kuribole kurise. Etu karne etu AMU laga Staffs aro Students Union kan ahe kena etu prathana kura rokhabole kurise koi kena, AMU nemite kotha kura manu aro Professor Shafey Kidwai kan pora Friday din janaise.Etu bejete etu AMU Students’ Union leaders aro Kashmiri students kan besi chakara huise. Etu bejete etu AMU University pora 3 jun Students etu Kashmiri manu toh hataidiya huise koise.