June 20, 2024: NTCP Zunheboto Unit para organised kura program ekta deh, atha schools kan keh tobacco free school ase kui nah declare kuri di shae. Program tho DC laka officer, Zunheboto deh taki shae, 20th June 2024 din deh.
St. Clare high school Akuluto; Hilto Children Home School, Akuluto; GHSS, Akuluto; Royal School, Akuluto; Unit school, NALTOQA; GPS, NALTOQA; Sparkle School NALTOQA aro St. Paul School, NALTOQA keh tobacco free school declare kuri di shae. Atha students home aro Woodland Higher Secondary School Zunheboto laka pupil keh Tobacco Free Home declare kuri shae aro certificates kan tho Deputy Commissioner Zunheboto, Rahul Bhanudas Mali, IAS para di shae.
Program address kura time deh, DC para aji khali manu kan tobacco bishi chui ase kui nah jani jah tho, tai jinta deh ase ku shae. Tobacco products kan chua tho decease kan lakeh aro last deh tho cancer pai jai, kuto manu kan keh painful death dibo, tai para kui shae. Tai para aro students kan keh celebrities laka tobacco advertisement diki nah misled nahu b kui shae. Tai para, taikan etu kan jani bo lakeh kui shae aro health karne ki ki bhal bia ase, etu kan jani nah taki bole lakeh kui shae.
(DPRO Zunheboto)
Add Comment