Tokyo, 18 March : Jakob Ingebrigtsen laga career te bhal para success pai thakile bhi, tai abhi tak world title 1,500 metres te jiti bole napai se aru itu tai change kuribo karone determined ase, indoors aru outdoors te, itu saal Nanjing aru Tokyo te.
Norwegian runner China te weekend te pohchi loise agor haafta laga world indoor championships karone aru September te Asia te wapas ahibo Tokyo laga National Stadium te outdoor edition karone, jun jagah te tai Olympic gold 2021 te jiti loise.
Ingebrigtsen agor indoor worlds te only ekta time Belgrade te 2022 te khelise aru itu te tai silver jiti se Samuel Tefera piche te. Tai last year Glasgow laga edition te participate kuri bole paranaikina Achilles injury karone.
Tai laga last dui ta outdoor world 1,500s te tai almost same situation te silver jiti se, British duo Jake Wightman (Eugene 2022) aru Josh Kerr (Budapest 2023) piche te. Tai last year Paris Olympics te 1,500 title retain kuribo try kuri se kintu paranaikina, kintu 5,000 metres te gold jiti loise aru tai laga back-to-back outdoor world titles 2022 aru 2023 te add kuri loise.
Tai itu saal impressive indoor form te ase, February te France te mile aru 1,500 laga world records set kuri dise aru itu month te Netherlands te European Championships te third time karone 1,500-3,000 double jiti dise.
Ingebrigtsen jitna paribo paribo compete kuri thakise aru Nanjing te tai laga target ase men’s 1,500-3,000 double jiti bole. Itu feat khali ekbar Ethiopian great Haile Gebrselassie pora 1999 te world indoors te achieve kuri se.
Gebrselassie laga celebrated career te juntu longer distances track aru road te compete kurise, Ingebrigtsen bhi itu challenge accept kuri thakise. Kintu etiya pora September khotom hoa tak tai laga pura focus track te aru aru bhi bhal para success pai bole ase.
Add Comment