November 3, 2026, 6:16 PM: Nagaland Secretariat Service (Probationers) laga 56th Batch laga inaugural programme loishey, 2nd November, 2026 tey, ATI, Kohima tey. Tatey pura puri 30 NSS Officer Trainee khan thakishey, kun khan ke toh hoiley itu ajikali laga conduct kuria laga NPSC CSE (Nagaland Public Service Commission Civil Services Examination) kuria through para select kuri kena asey. Tai khan toh hoiley ekta char-muhina laga Foundation Training course undergo kuriboley asey, ATI tey.
Itu programme toh hoiley, Peter Konyak, Lecturer (Computer) para chair kurishey. Tatey itu event tey officer trainee khan para nijey para introduction khan dishey, aru itu pichetey Joint Director, ATI aru Course Coordinator, Kaholi Sema para course laga overview kurishey, itu laga objective khan outline kuri kena aru professional training laga importance outline kuri kena, administrative gyan, skill khan aru competence majbut kuria tey.
Additional Chief Secretary, Nagaland Government & Director General, ATI, V. Shashank Shekhar, IAS para inaugural address deliver kurishey. Tai para itu trainee khan ke congratulate kurishey, tai khan laga success opor tey aru state kurishey ki, eneka nishina achievement khan toh hoiley, khali continuous mehnat kuria para hey punchiboley parey.
