Madrid, 6 November : Atletico Madrid laga defender Robin Le Normand “high grade” knee injury paise, itu La Liga club Wednesday te confirm korise. Spanish centre-back ta Tuesday te Union Saint-Gilloise logot khelha Champions League match te (juntu Atletico 3-1 te jeetise) chot khaini aru bahar jaise.
Club pora tai laga wapas ahibo time specify nakorile, kintu Spanish media report korise ki tai upcoming World Cup qualifiers te Spain laga team logot khelibo na paribo. Spain etiya Georgia logot November 15 te aru Turkey logot November 18 te khelibo, juntu match duita World Cup 2026 te qualify koribo karone dangor important ase.
Club confirm korise ki Le Normand laga meniscus aru knee ligaments effect nahoi. Defender Saturday te La Liga te Levante logot match khelibo naparibo, international break age.
Le Normand hope korise ki tai wapas ahibo pare jetiya Atletico Madrid November 26 te Champions League te Inter Milan logot face koribo, aru December 2 te Spanish champions Barcelona logot La Liga laga dangor match khelibo.
Add Comment