Stuttgart, 13 June : Indian laga experienced tennis khiladi Rohan Bopanna aru tai laga Belgian partner Sander Gille, Wednesday din ATP 250 Boss Open laga quarter-final te reach korise. Kintu dusra Indian khiladi khan N Sriram Balaji aru Yuki Bhambri, tai logot respective partners thaka bhi, tournament para eliminate hoise.
Third-seeded Bopanna aru Gille, German local pair Jakob Schnaitter aru Mark Wallner ke 6-3, 5-7, 11-9 te ek ghonta 21 minute te harai quarter-final te pahunchise. Etia tai American Taylor Fritz aru Czech player Jiri Lehecka logot next round te mukabla koribo.
India laga top-ranked doubles khiladi Yuki Bhambri, American Robert Galloway logot khelise, kintu opening match te haar jabo lagise. Bhambri-Galloway pair close tie-breakers te Mexico laga Santiago Gonzalez aru American Austin Krajicek logot 6-7(5), 6-7(5) te ek ghonta 34 minute te Hari jaishey.
Balaji aru tai laga Mexican partner Miguel Reyes-Varela bhi bhal fight dise, kintu second-seeded French pair Sadio Doumbia aru Fabien Reboul logot 7-6(5), 3-6, 5-10 te haar jabo lagise.
Dusra haat te, American second seed Taylor Fritz Wednesday din Stuttgart Open laga quarter-final te progress korise, Frenchman Quentin Halys ke 6-3, 7-6(6) te harai. Fritz, jun world number 7 ase, match te 12 aces aru 32 winners marise, match total time 1 ghonta 23 minute hoise.
25 umar laga Fritz, jun duta Wimbledon quarter-final reach korise ase, etia Hungarian Marton Fucsovics logot next match khelibo. Fucsovics Frenchman Arthur Rinderknech ke 7-6(4), 6-3 te harai quarter-final te pahunchise.
American third seed Ben Shelton bhi quarter-final reach korise, Frenchman Pierre-Hugues Herbert ke 7-6(4), 7-5 te ek ghonta 50 minute te harai. 20 umar laga world number 35 Shelton etia Czech eighth seed Jiri Lehecka nai German Jan-Lennard Struff logot agla round te khelibo.
Add Comment